تاثیر 22 اپریل ۲۰۲۶:- ایس -ایم- حسن
کولکاتا ، 22 اپریل :مغربی بنگال انتخابات 2026 کے مہم کے درمیان، اتر پردیش کے وزیر اعلی یوگی آدتیہ ناتھ نے بدھ کے روز کولکاتا میں حکمراں ترنمول کانگریس حکومت پر سخت حملہ کیا، عوامی ریلیوں کو خطاب کرتے ہوئے جوراسانکو اور بڑا بازار علاقے میںمنعقد ریلیوں میں، انہوں نے ریاست میں تبدیلی کا مطالبہ کرتے ہوئے امن و امان، بے روزگاری ، صنعت ، ثقافتی شناخت اور گائے کے تحفظ جیسے مسائل کو اٹھایا۔
جوراسنکو کے ستیہ نارائن پارک میں منعقدہ ایک اجتماع سے خطاب کرتے ہوئے یوگی آدتیہ ناتھ نے کہا کہ عوام کا جوش و خروش اس بات کی نشاندہی کرتا ہے کہ لوگ اب بنگال کی ثقافت اور ورثے کو بچانے کے لیے تبدیلی چاہتے ہیں۔ انہوں نے کہا کہ اس سرزمین نے تحریک آزادی کے لیے ایک تحریک کا کام کیا اور آج بھی عوامی طاقت کو متاثر کر رہا ہے۔