تاثیر 30 اپریل ۲۰۲۶:- ایس -ایم- حسن
کاٹھمنڈو، 30 اپریل: نیپال کے قومی پرچم بردار ، نیپال ایئر سروسز کارپوریشن کے ذریعہ سوشل میڈیا پر شیئر کیے گئے ایک نقشے میں ہندوستان کے جموں و کشمیر خطے کو پاکستان کا حصہ ظاہر کرنے کے بعد، اسے بڑے پیمانے پر تنقیدکا سامنا کرنا پڑا ہے۔ ایئر لائن نے غلطی کو تسلیم کرتے ہوئے عوامی طور پر معافی مانگی ہے اور نقشہ سوشل میڈیا سے ہٹا دیا ہے۔
نیپال ایئرلائنز نے کہا، ’’ہم اپنے سوشل میڈیا کے ذریعے حال ہی میںمشترک کیے گئے نیٹ ورک کے نقشے میں ہوئی غلطی کے لیے معذرت خواہ ہیں۔ اس نقشے میں بین الاقوامی سرحدوں سے متعلق نقشہ سازی کی سنگین غلطیاں تھیں۔‘‘ اس کے ساتھ ہی یہ بھی واضح کیا گیا کہ نقشہ نیپال یا ایئر لائن کی سرکاری پوزیشن کی عکاسی نہیں کرتا ہے۔
ایئر لائن نے بتایا کہ غلط نقشے والی پوسٹ کو ہٹا دیا گیا ہے اور معاملے کا اندرونی سطح پر تجزیہ کیا جا رہا ہے۔ ایئر لائن نے کہا، ’’ہم اس بات کو یقینی بنانے کے لیے ایک داخلی تحقیقات کر رہے ہیں کہ ہمارا مواد درستگی کے اعلیٰ ترین معیارات کو پورا کرے۔ ہم اپنے پڑوسیوں اور دوست ممالک کے ساتھ مضبوط تعلقات کی قدر کرتے ہیں اور اس پوسٹ کی وجہ سے ہونے والی کسی بھی تکلیف یا اعتراض پر افسوس کا اظہار کرتے ہے۔‘‘