تاثیر 12 مئی ۲۰۲۶:- ایس -ایم- حسن
نئی دہلی، 12 مئی: بھارتیہ جنتا پارٹی (بی جے پی) کے قومی صدر نتن نوین بدھ کو پڈوچیری میں اے آئی این آر سی لیڈر این رنگاسامی کی بطور وزیر اعلیٰ حلف برداری تقریب میں شرکت کریں گے۔ وہ بی جے پی ممبران اسمبلی اور کارکنوں سے بھی ملاقات کریں گے۔
بی جے پی ہیڈکوارٹر سے موصولہ اطلاع کے مطابق نتن نوین منگل کی شام پڈوچیری پہنچیں گے، جہاں پارٹی کارکنان ان کا استقبال کریں گے۔ وہاں سے وہ بی جے پی کے دفتر جائیں گے اور پارٹی کارکنوں سے ملاقات کریں گے۔ اس کے بعد وہ بی جے پی کے نو منتخب اراکین اسمبلی سے ملاقات کریں گے۔ بعد میں وہ بی جے پی کارکنوں کے اہل خانہ سے بھی ملاقات کریں گے۔حلف برداری کی تقریب لوک نواس میں منعقد ہوگی، جہاں لیفٹیننٹ گورنر کے کیلاسناتھن رنگاسامی کو عہدے اور رازداری کا حلف دلائیں گے۔ مرکزی وزیر اور پارٹی کے پڈوچیری الیکشن انچارج ڈاکٹر منسکھ منڈاویہ بھی حلف برداری کی تقریب میں شرکت کریں گے۔قابل ذکر ہے کہ پڈوچیری میں اے آئی این آر سی کی قیادت میں این ڈی اے کی حکومت بن رہی ہے۔ بی جے پی اس اتحاد میں دوسری سب سے بڑی پارٹی ہے۔