تاثیر 10 مئی ۲۰۲۶:- ایس -ایم- حسن
ہلدوانی، 10 مئی: اتوار کے روز، اتراکھنڈ اسپیشل ٹاسک فورس (ایس ٹی ایف) کے انسداد منشیات کماؤں یونٹ نے کاٹھ گودام پولیس کے ساتھ مشترکہ کارروائی میں، دمواڈھونگا علاقے سے 5 کلو گرام اور 2 گرام چرس برآمد کی اور دو بدنام اسمگلروں کو گرفتار کیا۔
برآمد کی گئی چرس کی بین الاقوامی مارکیٹ میں مالیت تقریباً 10 لاکھ روپے بتائی جاتی ہے۔ پولیس کے مطابق وزیر اعلیٰ کی ’’منشیات سے پاک دیو بھومی‘‘ مہم کے تحت ریاست بھر میں منشیات کے اسمگلروں کے خلاف مسلسل کارروائی کی جارہی ہے۔ ڈائرکٹر جنرل آف پولیس دیپم سیٹھ کی ہدایات پر ایس ٹی ایف کی انسداد منشیات ٹاسک فورس کماؤں یونٹ نے تکنیکی اور دستی معلومات کی بنیاد پر کاٹھ گودام پولیس اسٹیشن کے علاقے میں چھاپہ مارا۔
آپریشن میں مقامی پولیس نے بھی تعاون کیا۔ چھاپے کے دوران کاٹھ گودام پولیس اسٹیشن کے د مواڈھونگا کے رہنے والے پروین آریہ اور پنچایت گھر ہلدوانی کے رہنے والے بلونت سنگھ جو کہ اصل میں باگیشور کے رہنے والے ہیں کو گرفتار کیا گیا۔ دونوں ملزمان کے قبضے سے 5 کلو گرام اور 2 گرام چرس برآمد کر لی گئی۔