تاثیر 06 جون ۲۰۲۶:- ایس -ایم- حسن
چنڈی گڑھ، 6 جون: آپریشن بلیو سٹار کی 42 ویں برسی پر ہفتہ کو دربار صاحب کمپلیکس میں جرنیل سنگھ بھنڈرانوالا کے پوسٹرز تقسیم کیے گئے اور خالصتان کے حق میں نعرے لگائے گئے۔ امرتسر میں سیکورٹی کے لیے پولیس کی بھاری نفری تعینات کی گئی ۔ دربار صاحب میں اکھنڈ پاٹھ صاحب کے صبح کے بھوگ کے بعد، جتھیدار اکال تخت صاحب نے قوم کے نام ایک پیغام جاری کیا۔ اس کے بعد سربت خالصہ کے جتھیدار دھیان سنگھ منڈ اپنے حامیوں کے ساتھ سری اکال تخت پہنچے۔ اکالی دل امرتسر کے صدر سمرن جیت سنگھ مان اپنے ساتھیوں کے ساتھ سری اکال تخت پہنچے۔ سخت گیر حامیوں نے بھنڈرانوالا کے پوسٹر لہرا کر مان کا استقبال کیا۔ انتہا پسندوں نے کرپانیں لہر ا کر خالصتان کی حمایت کا اظہار کیا۔ دربار صاحب کمپلیکس کے اندر مختلف مقامات پر اسٹالز لگا کر لوگوں کو آپریشن بلیو اسٹار کے بعد کی تصاویر اور بھنڈرانوالا کے پوسٹرز تقسیم کیے گئے ۔ یہاں تک کہ درشنی ڈیوڑھی پر بھی کچھ لوگ بھنڈرانوالا کے پوسٹر عقیدت مندوں کو دکھا رہے تھے۔