تاثیر 06 جون ۲۰۲۶:- ایس -ایم- حسن
رانچی، 6 جون: بھارتیہ جنتا پارٹی (بی جے پی) کے قومی صدر نتن نوین ہفتہ کو دو روزہ تنظیمی دورے پر جھارکھنڈ کی راجدھانی رانچی پہنچے۔ قومی صدر بننے کے بعد یہ جھارکھنڈ کا ان کا پہلا دورہ ہے، اور پارٹی تنظیم کے لیے انتہائی اہم سمجھا جارہا ہے۔ رانچی کے برسا منڈا ہوائی اڈے پر بی جے پی لیڈروں، عہدیداروں اور کارکنوں کی بڑی تعداد نے ان کا پرتپاک استقبال کیا۔
ہوائی اڈے پر استقبال کے بعد، نتن نوین براہ راست بھگوان برسا منڈا کے مجسمے کے پاس گئے، جہاں انہوں نے گل پوشی کر کے خراج عقیدت پیش کیا۔ اس کے بعد انہوں نے سماجوادی لیڈر جن نائک کرپوری ٹھاکر اور بی جے پی کے سینئر لیڈر اور تنظیم ساز کیلاش پتی مشرا کے مجسموں کو خراج عقیدت پیش کیا۔