تاثیر 08 جون ۲۰۲۶:- ایس -ایم- حسن
کولکاتا، 8 جون: مغربی بنگال کے سابق وزیر کھیل اروپ بسواس کے لیے یوبا بھارتی اسٹیڈیم میں لیونل میسی ایونٹ سے متعلق تنازعہ میں پریشانی بڑھتی نظر آ رہی ہے۔ کلکتہ ہائی کورٹ کی جانب سے مقدمے میں دائر درخواست پر فوری سماعت سے انکار کی وجہ سے ان کی قانونی پریشانیاں مزید بڑھ گئی ہیں۔جسٹس سوگت بھٹاچاریہ کی بنچ نے کہا کہ عدالت میں مقدمات کی بھاری تعداد کی وجہ سے عرضی پر فوری سماعت ممکن نہیں ہے۔ عدالت نے واضح کیا کہ معاملے کی سماعت مقررہ عمل کے تحت درج ہونے کے بعد ہی باقاعدگی سے کی جائے گی۔
اروپ بسواس نے یووا بھارتی میں منعقدہ ’گوٹ‘ تقریب کے سلسلے میں مبینہ بے ضابطگیوں اور ممکنہ گرفتاری سے تحفظ کے لیے عدالت سے رجوع کیا تھا۔ تاہم انہیں فوری راحت نہیں مل سکی۔اس پیش رفت کے درمیان سیاسی اور انتظامی حلقوں میں بحث تیز ہو گئی ہے کہ اس کی گرفتاری کسی بھی وقت ہو سکتی ہے۔ پولیس ذرائع کے مطابق سابق وزیر کھیل کو پہلے ہی پوچھ گچھ کے لیے طلب کیا جا چکا ہے، حالانکہ وہ ابھی تک پیش ہونے سے انکار کر چکے ہیں۔
قابل ذکر بات یہ ہے کہ گزشتہ سال دسمبر میں ارجنٹائن کے ورلڈ کپ جیتنے والے فٹ بالر لیونل میسی کی ہندوستان آمد کے دوران یوبھارتی اسٹیڈیم میں منعقدہ ایونٹ پر بہت بڑا تنازعہ کھڑا ہوا تھا۔ الزام ہے کہ مہنگے ٹکٹ خریدنے کے باوجود عام تماشائیوں کو میسی کو دیکھنے کا موقع نہیں ملا جبکہ گراؤنڈ کے اندر محدود لوگوں کی موجودگی پر بھی سوالات اٹھائے گئے۔