تاثیر 03 جون ۲۰۲۶:- ایس -ایم- حسن
کولکاتا، 3 جون: مغربی بنگال اسمبلی میں اپوزیشن لیڈر کے انتخاب کو لے کر جاری تنازعہ کے درمیان بدھ کو ایک اہم سیاسی پیشرفت ہوئی ہے۔ ترنمول کانگریس سے نکالے گئے ایم ایل اے رتبرتا بنرجی 59 ایم ایل اے کی حمایت کے خطوط لے کر اسمبلی پہنچے۔ ان کی آمد کے بعد ترنمول کانگریس کے دیگر ممبران اسمبلی بھی ایک ایک کر کے پہنچے۔ ان میں اروپ رائے، شیولی ساہا، اخو الزمان اور سبینہ یاسمین شامل ہیں۔
اسمبلی کے احاطے میں موجود سبینہ یاسمین نے کہا کہ قائد حزب اختلاف کے انتخاب کے لیے ایم ایل اے آج میٹنگ کریں گے۔ جب ان سے پوچھا گیا کہ میٹنگ کس نے بلائی ہے تو اس نے جواب دیا کہ ہم سبھی نے۔ گزشتہکچھ دنوں سے ترنمول کانگریس کے اندر دستخط کے مبینہ تنازعہ کو لے کر بے چینی بڑھ گئی ہے۔ اسمبلی اسپیکر رتیندر باسو نے ابھی تک کسی بھی ایم ایل اے کو اپوزیشن لیڈر کے طور پر حتمی شکل نہیں دی ہے۔ اس پیش رفت نے سیاسی حلقوں میں ترنمول کانگریس کے اندر ممکنہ تقسیم اور اندرونی اختلافات کے بارے میں قیاس آرائیاں تیزہوگئی ہے۔