تاثیر 22 جون ۲۰۲۶:- ایس -ایم- حسن
نئی دہلی، 22 جون: وزیر اعظم نریندر مودی نے اتر پردیش کی راجدھانی لکھنؤ میں آتشزدگی کے واقعہ میں جانی نقصان پر گہرے دکھ کا اظہار کیا ہے۔ ا نہوں نے جاں بحق افراد کے اہل خانہ سے تعزیت کا اظہار کیا اور زخمیوں کی جلد صحت یابی کی دعا کی۔
وزیر اعظم کے دفتر نے پیر کو سوشل میڈیا پلیٹ فارم ایکس پر جاری کردہ ایک پیغام میں کہا کہ وزیر اعظم لکھنؤ میں آتشزدگی کے حادثے میں جانی نقصان پر غمزدہ ہیں۔ انہوں نے کہا کہ راحت اور بچاؤ کی کارروائیاں جاری ہیں اور مقامی انتظامیہ متاثرہ لوگوں کو ہر ممکن مدد فراہم کر رہی ہے۔
وزیر اعظم نے وزیر اعظم قومی ریلیف فنڈ (پی ایم این آر ایف) سے مرنے والوں کے لواحقین کو ہر ایک کو 2 لاکھ روپے کی ایکس گریشیا دینے کا اعلان کیا ہے۔ اس کے علاوہ حادثے میں زخمی ہونے والے ہر فرد کو 50 ہزار روپے کی مالی امداد فراہم کی جائے گی۔