تاثیر 10 جون ۲۰۲۶:- ایس -ایم- حسن
نئی دہلی، 10 جون:جنوبی کوریا کی آٹوموبائل مینوفیکچرر ہنڈائی موٹر کمپنی کی ہندوستانی ذیلی کمپنیہنڈائی موٹر انڈیا لمیٹڈ (ایچ ایم آئی ایل)کوامید ہے کہ اس کے چنئی پلانٹ 1 میں 22 جون تک تمام پیداوار معمول پر آجائے گی، پلانٹ میں آگ لگنے کے بعد عارضی طور پر خدمات متاثر ہوئی ہیں۔
ہنڈائی موٹر انڈیا نے بدھ کے روز اسٹاک ایکسچینج کو ایک ریگولیٹری اپ ڈیٹ میں مطلع کیا کہ 31 مئی کی سہ پہر تامل ناڈو کے کانچی پورم ضلع کے ارونگاٹوکوٹائی میں سپلائر موبیس انڈیا لمیٹڈ کی سہولت میں آگ لگنے کی وجہ سے چنئی پلانٹ 1 میں پیداوار میںآئی رکاوٹ کے 22 جون تک حل ہونے کی امید ہے۔ اس سے خوردہ فروخت پر کوئی اثر نہیں پڑے گا۔ کمپنی نے کہا کہ رکاوٹ بنیادی طور پر چنئی پلانٹ-1 تک محدود ہے، جبکہ پونے پلانٹ اور چنئی پلانٹ-2 کے آپریشنز پر بہت کم اثر پڑا ہے۔ چنئی پلانٹ-1 میں 15 جون تک جبکہ تمام یونٹس میں 22 جون تکپیداواری سرگرمیاں مکمل طور پر معمول پر آنے کی توقع ہے۔