تاثیر 19 جون ۲۰۲۶:- ایس -ایم- حسن
نئی دہلی، 18 جون : دہلی یونیورسٹی (ڈی یو) نے کیو ایس ورلڈ یونیورسٹی رینکنگ 2027 میں اپنی پوزیشن کو مزید بہتر کیا ہے۔ اس کا انکشاف کرتے ہوئے ڈی یو کے وائس چانسلر پروفیسر یوگیش سنگھ نے بتایا کہ اس سال ڈی یو نے گزشتہ سال کے 328 کے مقابلے میں 322 کا عالمی درجہ حاصل کیا ہے۔
وائس چانسلر نے کہا کہ ڈی یو ہندوستانی یونیورسٹیوں میں پہلے اور ملک کے تمام اعلیٰ تعلیمی اداروں میں ساتویں نمبر پر ہے، جس سے ملک کے اعلیٰ تعلیمی اداروں میں ڈی یو کی پوزیشن مزید مستحکم ہو رہی ہے۔
انہوں نے ذکر کیا کہ کیو ایس ورلڈ یونیورسٹی رینکنگ کے تازہ ترین ایڈیشن میں دنیا بھر کے 8,808 اداروں کا جائزہ لیا گیا، جس میں 106 ممالک اور خطوں کی 1,504 یونیورسٹیوں کی درجہ بندی کی گئی۔