تاثیر 07 جون ۲۰۲۶:- ایس -ایم- حسن
نئی دہلی، 7 جون: حکومت نے ملک میں کھیلوں کے کلچر کو فروغ دینے اور کھلاڑیوں کے لیے سہولیات کو بڑھانے کے لیے ایک بڑا قدم اٹھایا ہے۔
پنجاب یونیورسٹی میں دیرینہ مطالبہ کو پورا کرتے ہوئے نوجوانوں کے امور اور کھیلوں کے مرکزی وزیر منسکھ مانڈ ویہ نے وہاں اولمپک کے معیاری مصنوعی ایتھلیٹک ٹریک کی تعمیر کو منظوری دے دی ہے۔ اس منصوبے پر زمینی کام آئندہ دو سے تین ماہ میں شروع ہونے کی امید ہے۔
یہ فیصلہ اکھل بھارتیہ ودیارتھی پریشد (اے بی وی پی) کے ایک وفد کے ساتھ اعلیٰ سطحی میٹنگ کے بعد آیا ہے۔ ہفتہ کی دیر شام، اے بی وی پی کے قومی جنرل سکریٹری ڈاکٹر وریندر سنگھ سولنکی کی قیادت میں ایک وفد نے وزیر کھیل سے ملاقات کی اور ملک میں کھیلوں کے بنیادی ڈھانچے کو مضبوط بنانے کے لیے ایک جامع میمورنڈم پیش کیا۔