تاثیر 14 جون ۲۰۲۶:- ایس -ایم- حسن
نئی دہلی، 13 جون :ترنمول کانگریس (ٹی ایم سی) کے اندر انتشار کے درمیان، پارٹی کے سینئر لیڈر اور ایم پی سدیپ بندوپادھیائے نے ہفتہ کو یہاں بھارتیہ جنتا پارٹی کے سینئر لیڈر اور مرکزی وزیر بھوپیندر یادو سے ملاقات کی۔ رکن اسمبلی شتابدی رائے بھی موجود تھیں۔
تاہم ابھی تک اس ملاقات کی کوئی باضابطہ تفصیلات جاری نہیں کی گئی ہیں۔
ذرائع نے بتایا کہ تمام 19 باغی ٹی ایم سی ممبران پارلیمنٹ اتوار کو ملاقات کریں گے، جس میں مغربی بنگال کے وزیر اعلی شوبھیندو ادھیکاری بھی موجود ہوں گے۔ سدیپ بندوپادھیائے بھی موجود رہیں گے۔
اس سے پہلے بھوپیندر یادو کی رہائش گاہ پر ٹی ایم سی کے 19 باغی ممبران پارلیمنٹ کی میٹنگ ہوئی تھی اور اب سدیپ بندوپادھیائے کی بھوپندر یادو سے ملاقات کے بعد خیال کیا جا رہا ہے کہ وہ بھی ان باغی ممبران اسمبلی میں شامل ہو سکتے ہیں۔ بھوپیندر یادو مغربی بنگال اسمبلی انتخابات کے دوران بی جے پی کے انچارج تھے۔