تاثیر 16 جولائی ۲۰۲۶:- ایس -ایم- حسن
مرزا پور، 16 جولائی : اتر پردیش کے مرزا پور کے اہرورا تھانہ علاقے میں وارانسی-شکتی نگر روڈ پر واقع کدارن گاؤں میں بدھ کی دیر رات ایک خوفناک سڑک حادثے میں اپنے گھر کے باہر سوئے ہوئے تین افراد کی موت ہو گئی اور دو دیگر شدید زخمی ہو گئے۔ حادثے کے بعد پورا گاؤں سوگ میں ڈوبا ہوا ہے۔
اطلاعات کے مطابق بدھ کی رات تقریباً 3 بجے وارانسی سے سون بھدر کی طرف جا رہا ایک تیز رفتار ٹرک اچانک بے قابو ہو گیا اور اپنے گھر کے باہر سڑک کے کنارے سوئے ہوئے لوگوں پر چڑھ گیا۔ راجہ راج بھر (42)، اس کی ماں سکھیا دیوی (75) اور سیتارام راج بھر کی بیوی چندرتارا دیوی (55) کی موقع پر ہی موت ہوگئی۔