تاثیر 26 جولائی ۲۰۲۶:- ایس -ایم- حسن
کشن گنج، 26 جولائی:کشن گنج پولیس نے امن و امان کی صورتحال اور بہادر گنج تھانہ علاقہ کے ایس ا?ر پی چوک پر 25 جولائی کو ہونے والے احتجاج کے دوران پولیس پر حملے کے خلاف ایک بڑا کریک ڈاو?ن شروع کیا ہے۔ پولیس نے 55 مشتبہ لوگوں کی تصاویر جاری کی ہیں اور عوام سے ان کی شناخت کرنے کی اپیل کی ہے۔پولیس کے مطابق احتجاج کے دوران کچھ سماج دشمن عناصر نے پولیس اہلکاروں پر حملہ کیا اور پولیس کی گاڑیوں اور دیگر سرکاری املاک کو نقصان پہنچایا۔ واقعے میں متعدد پولیس اہلکار اور شہری زخمی ہوئے جس سے علاقے میں کشیدگی پھیل گئی۔اتوار کے روز جاری کردہ ایک پریس ریلیز میں کشن گنج پولیس نے کہا کہ جس کے پاس بھی تصاویر میں نظر ا?نے والے افراد کے بارے میں معلومات ہیں وہ فوٹو نمبروں کی اطلاع پولیس کنٹرول روم کے ہیلپ لائن نمبر 9031816144 اور 9031816147 پر دیں۔ معلومات فراہم کرنے والوں کی شناخت کو خفیہ رکھا جائے گا۔ پولیس نے واضح کیا ہے کہ موصول ہونے والی معلومات اور شواہد کی بنیاد پر ملزمین کی نشاندہی کی جائے گی اور ان کے خلاف قانون کے مطابق سخت قانونی کارروائی کی جائے گی۔ شہریوں سے بھی اپیل کی گئی ہے کہ وہ امن، ہم ا?ہنگی اور امن و امان کو برقرار رکھنے میں تعاون کریں اور کسی بھی افواہ کو نظر انداز کریں۔