تاثیر 29 جولائی ۲۰۲۶:- ایس -ایم- حسن
فرخ آباد، 29 جولائی: بدھ کے روز، اتر پردیش کے فرخ آباد ضلع کے شمش آباد تھانہ علاقے میں، ایک بیٹے نے اپنی ماں کو پتھر سے کچل کر ہلاک کر دیا۔ اس کا بھائی زخمی ہوگیا، جب کہ اس کی بہن اپنی جان بچانے کے لیے ایک کمرے میں چھپ گئی۔ پولیس نے موقع پر پہنچ کر ملزم کو گرفتار کر کے مزید تفتیش شروع کر دی۔
تھانہ علاقہ کے کھڈنا ویدیہ گاؤں کی رہنے والی ننھی (52) کو اس کے بیٹے پنکج نے پتھر سے کچل کر مار ڈالا۔ مداخلت کرنے آئی اس کی بہن سشما پر بھی حملہ کیا گیا لیکن اس نے خود کو ایک کمرے میں بند کر کے اپنی جان بچائی۔ اس نے اپنے چھوٹے بھائی شیوم کو بھی پتھر سے زخمی کر دیا۔ اہل خانہ کا کہنا ہے کہ پنکج پانی پت میں کام کرتا تھا اور گزشتہ دو سال سے ذہنی بیماری میں مبتلا تھا۔ بدھ کے روز اس نے اپنی ماں کو پتھر سے کچل کر ہلاک کر دیا۔ جب گاؤں والوں نے اسے پکڑنے کی کوشش کی تو ا س نے ان پر بھی حملہ کردیا۔ کافی کوشش کے بعد انہوں نے اسے پکڑ کر رسی سے باندھا اور پولیس کو اطلاع دی۔