ایس ایس بی، ٹھاکرگنج کی جانب سے مفت آنکھوں کے طبی معائنے اور بیداری کیمپ کا کامیاب انعقاد

ٹھاکرگنج (محمد شاداب غیور)اعلیٰ ہیڈکوارٹر کی ہدایات کے مطابق اور 19ویں بٹالین، مسلح سرحدی فورس، ٹھاکرگنج کے قائم مقام کمانڈنٹ جناب ایم. بروزین سنگھ کی مؤثر رہنمائی میں آج مورخہ 28 جولائی 2026 کو بٹالین ہیڈکوارٹر احاطے میں عام شہریوں، سندیکشا خاندانوں، افسران، ماتحت افسران اور جوانوں کے لیے ایک روزہ مفت آنکھوں کے طبی معائنے اور آنکھوں کی صحت سے متعلق بیداری کیمپ کا کامیاب انعقاد کیا گیا۔ پروگرام کا انعقاد اسسٹنٹ کمانڈنٹ (میڈیکل) ڈاکٹر اشونی کمار جھا، 19ویں بٹالین، مسلح سرحدی فورس، ٹھاکرگنج اور بٹالین کی طبی ٹیم کی نگرانی میں عمل میں آیا۔ اس کیمپ کا مقصد سرحدی علاقوں میں رہنے والے شہریوں، ملک کی سلامتی کے لیے مسلسل تعینات جوانوں اور ان کے اہل خانہ کو معیاری آنکھوں کے طبی علاج کی سہولت فراہم کرنا، آنکھوں کی بیماریوں کے تئیں بیداری پیدا کرنا اور صحت مند طرزِ زندگی اپنانے کے لیے ترغیب دینا تھا۔ موجودہ دور میں ڈیجیٹل آلات کے بڑھتے ہوئے استعمال، بدلتے طرزِ زندگی اور بڑھتی عمر کے باعث آنکھوں سے متعلق مسائل میں تیزی سے اضافہ ہو رہا ہے۔ ایسے حالات میں باقاعدگی سے آنکھوں کا معائنہ، بروقت علاج اور مناسب طبی مشورہ انتہائی ضروری ہو گیا ہے۔ اسی عوامی فلاحی مقصد کے تحت اس کیمپ کا انعقاد کیا گیا۔ کیمپ میں سلی گوڑی گریٹر لائنس آئی ہاسپٹل کے معروف ماہرِ امراضِ چشم ڈاکٹر سُمت دھارا (Ophthalmology) اور ان کی ماہر طبی ٹیم نے جدید آلات کی مدد سے شرکاء کی تفصیلی آنکھوں کی جانچ کی۔