تاثیر 17 اگست ۲۰۲۶:- ایس -ایم- حسن
نئی دہلی، 17 اگست:ہندوستانی اولمپک ایسوسی ایشن (آئی او اے) نے 15 سے 30 اگست تک بیلجیئم اور ہالینڈ میں منعقد ہونے والے ایف آئی ایچ ہاکی ورلڈ کپ 2026 میں ہندوستانی مردوں اور خواتین کی ٹیموں کی شرکت کا خیرمقدم کیا ہے۔ آئی او اے نے دونوں ٹیموں کو عالمی کپ میں ہندوستان کی نمائندگی کرنے اور عالمی کپ کے لئے کوالیفائی کرنے پر مبارکباد دی۔
آئی او اے نے پیر کو ایک سرکاری بیان جاری کرتے ہوئے کہا کہ مردوں اور خواتین دونوں زمروں میں ہندوستان کی موجودگی ہندوستانی ہاکی کی طاقت اور مسلسل ترقی کی عکاسی کرتی ہے۔ ہندوستان اس سال کے ایف آئی ایچ ہاکی ورلڈ کپ میں مردوں اور خواتین دونوں ٹیموں کے ساتھ حصہ لینے والا واحد جنوبی ایشیائی ملک ہے۔
ورلڈ کپ دونوں ٹیموں کو دنیا کی سرفہرست ٹیموں کے خلاف مقابلہ کرنے اور اپنے اعلیٰ کارکردگی والے کھیلوں کے پروگراموں کو مضبوط بنانے کا ایک قیمتی موقع فراہم کرتا ہے۔ اس کے بعد ہندوستانی ٹیمیں ایچی ناگویا 2026 ایشین گیمز اور پھر لاس اینجلس 2028 اولمپک گیمز کی تیاری پر توجہ مرکوز کریں گی۔