تاثیر 20 اگست ۲۰۲۶:- ایس -ایم- حسن
لکھنؤ، 20 اگست:میرٹھ میورکس کے تیز گیند باز کارتک تیاگی نے اپنی ٹیم کے کپتان رنکو سنگھ کی تعریف کرتے ہوئے انہیں دنیا کے ٹاپ پانچ فائنشروں میں شامل قرار دیا ہے۔ تیاگی نے کہا کہ جس طرح رنکو دباؤ کے حالات میں ڈیتھ اوورز میں میچ کا رخ بدلتے ہیں وہ انہیں دنیا کے بہترین بلے بازوں میں سے ایک بناتا ہے۔
تیاگی کے تبصرے یوپی ٹی 20 لیگ کے چوتھے سیزن کے آٹھویں میچ میں رنکو کی شاندار میچ جیتنے والی اننگز کے بعد سامنے آئے۔ بدھ کو کھیلے گئے میچ میں لکھنؤ فالکنز نے میرٹھ میورکس کے خلاف 184 رنز کا ہدف رکھا تھا۔ بارش کی وجہ سے ڈک ورتھ-لیوس-سٹرن کے اصول کے تحت میچ سنسنی خیز صورتحال میں پہنچ گیا تھا۔