تاثیر 01 ستمبر ۲۰۲۶:- ایس -ایم- حسن
رائے پور، یکم ستمبر: انفورسمنٹ ڈائریکٹوریٹ (ای ڈی) نے منگل کی صبح چھتیس گڑھ کے بھیلائی میں وشو بنکلونی، بھیلائی-3 میں سابق وزیر اعلی بھوپیش بگھیل کے سابق ذاتی معاون کے کے چندراونشی (چندراکر) کی رہائش گاہ پر چھاپہ مارا۔
مرکزی سیکورٹی فورسز کے ساتھ 8 افسران کی ایک ٹیم صبح تقریبا 6 بجے 2 سے 3 گاڑیوں میں ان کی رہائش گاہ پر پہنچی۔ ٹیم دستاویزات کی جانچ کر رہی ہے۔سرکاری ذرائع کے مطابق یہ کارروائی ریاست میں مبینہ چھتیس گڑھ پبلک سروس کمیشن گھوٹالے سے منسلک منی لانڈرنگ کی تحقیقات کے سلسلے میں کی جا رہی ہے۔ کے کے چندراونشی کے علاوہ ای ڈی کی رائے پور زونل ٹیم نے ریاست میں کل 7 مختلف مقامات پر بیک وقت چھاپے مارے ہیں۔ حکام کے ذریعے ضروری فائلوں اور الیکٹرانک آلات کی باریکی سے جانچ کی جا رہی ہے۔
یاد رہے کہ سال 2023 میں ای ڈی نے اس وقت کے وزیر اعلی بگھیل کے سیاسی مشیر ونود ورما اور ان کے دو او ایس ڈی کے مقامات پر تلاشی لی تھی۔ اس وقت کی کارروائی آن لائن سٹہ بازی اور مبینہ منی لانڈرنگ سے متعلق تحقیقات کے تناظر میں بتائی گئی تھی۔