تاثیر 09 ستمبر ۲۰۲۶:- ایس -ایم- حسن
نئی دہلی، 9 ستمبر:ساون کرپال روحانی مشن کے تحت روحانیت پر آٹھ روزہ عالمی کانفرنس 13 ستمبر کو قومی دارالحکومت دہلی میں شروع ہوگی۔ اس کانفرنس میں ہندوستان، امریکہ، جرمنی، سوئٹزرلینڈ، کینیڈا اور کئی دیگر ممالک کے نمائندے شامل ہوں گے۔
ساون کرپال روحانی مشن کی ایک ریلیز کے مطابق، کانفرنس کا انعقاد مشن کے سربراہ سنت راجندر سنگھ جی مہاراج کی 80 ویں سالگرہ کے خوشگوار موقع پر کیا گیا ہے۔ یہ کانفرنس روحانی قائدین کو انسانیت کے اتحاد پر غور کرنے اور محبت اور ہمدردی کے پیغام کو پھیلانے کے لیے مشترکہ پلیٹ فارم فراہم کرے گی۔