تاثیر 23 ستمبر ۲۰۲۶:- ایس -ایم- حسن
سرینگر، 23 ستمبر:لیفٹیننٹ گورنر منوج سنہا نے بدھ کے روز مہاراجہ ہری سنگھ کے یومِ پیدائش کے موقع پر انہیں شاندار خراجِ عقیدت پیش کیا اور سماجی اصلاحات، عوامی بہبود اور سب کو ساتھ لے کر چلنے والی ترقی کے لیے ان کی خدمات کو یاد کیا۔سوشل میڈیا پلیٹ فارم ‘ایکس پر جاری ایک پیغام میں، لیفٹیننٹ گورنر نے مہاراجہ ہری سنگھ کو ایک روشن خیال سیاست دان اور ترقی پسند مفکر قرار دیا جنہوں نے عوام کی بہبود اور بااختیاری کے لیے کئی دور رس اصلاحات متعارف کرائیں۔ایل جی سنہا نے کہا، “عوامی خدمت، مساوات اور شمولیتی ترقی کے بارے میں ان کے نظریات ہم سب کی رہنمائی کرتے رہتے ہیں۔لیفٹیننٹ گورنر نے مہاراجہ ہری سنگھ کے وڑن کی اہمیت پر بھی روشنی ڈالی، خاص طور پر سماجی مساوات، عوامی بہبود پر مبنی طرزِ حکمرانی اور عوام کی وسیع تر ترقی پر ان کے عزم کو اجاگر کیا۔مہاراجہ ہری سنگھ کا یومِ پیدائش ان کی میراث اور جموں و کشمیر کی سماجی و انتظامی ترقی کے لیے ان کی خدمات کی یاد میں منایا جاتا ہے۔