تاثیر 16 ستمبر ۲۰۲۶:- ایس -ایم- حسن
کاٹھمانڈو، 16 ستمبر: نیپال میں گزشتہ 26 اگست کو آنے والے تباہ کن سیلاب کے 21ویں دن بھی تلاش اور امدادی مہم جاری ہے۔ قومی ڈیزاسٹر مینجمنٹ اتھارٹی کے مطابق اب تک 1,399 افراد کی لاشیں برآمد کی جا چکی ہیں، جبکہ 5,179 افراد اب بھی لاپتہ ہیں۔ تقریباً 21 ہزار سیکورٹی اہلکار اب بھی تلاش، بچاو اور امدادی کاموں میں مصروف ہیں۔ ہائیڈرو الیکٹرک منصوبوں کی سرنگوں، ندی کے کناروں، قریبی جنگلات اور سیلاب سے تباہ شدہ مکانات میں تلاشی مہم چلائی جا رہی ہے۔ نیپالی فوج کے ترجمان راجا رام بسنیت کے مطابق، فوج کے تقریباً 8,900 جوان براہ راست تلاش، بچاو اور باہمی رابطے کے کام پر تعینات ہیں۔
مسلح پولیس کے تقریباً 5,000 اہلکار بھی اس مہم کا حصہ ہیں۔ ان کے ذریعے بچاو مہم چلانے کے ساتھ ساتھ ڈرونز کا بھی استعمال کیا جا رہا ہے۔ نیپال پولیس کے تقریباً 8,000 جوان بھی تلاش اور بچاو کے کام میں لگائے گئے ہیں۔ سیلاب میں رسوا اور نوواکوٹ میں واقع نیپال پولیس کے پانچ دفاتر بھی بہہ گئے تھے، جنہیں تاحال مکمل طور پر بحال نہیں کیا جا سکا ہے۔