تاثیر 11 ستمبر ۲۰۲۶:- ایس -ایم- حسن
لکھنؤ، 11 ستمبر: ریاست کے دارالحکومت سمیت اتر پردیش کے کئی اضلاع میں جمعہ کی صبح سے بارش ہو رہی ہے۔ شدید بارش کے پیش نظر وزیر اعلی یوگی آدتیہ ناتھ نے حکام کو بچاؤ اور امدادی کاموں کی ہدایت کی ہے۔
وزیر اعلی یوگی نے ریاست میں زیادہ بارش کی وجہ سے جان و مال کے نقصان، مویشیوں اور معاشی نقصان کا نوٹس لیا ہے۔ انہوں نے تمام سینئر افسران کو فیلڈمیںجانے کی ہدایات دی ہیں۔ وزیر اعلی نے کہا کہ تمام متاثرہ خاندانوں کو ہر ممکن مدد فراہم کی جائے۔ حکام کو متاثرہ خاندانوں سے رابطہ کرنا چاہیے اور ہر ممکن مدد فراہم کرنی چاہیے۔شدید بارش، آسمانی بجلی گرنے سے ہونے والے جانی نقصان، مویشیوں اور معاشی نقصان کا اندازہ لگانا اور اس بات کو یقینی بنانا کہ معاوضہ 24 گھنٹوں کے اندر ادا کیا جائے۔ لوگوں کو پانی جمع ہونے کے مسئلے کا سامنا نہیں کرنا چاہیے۔ کسی بھی سطح پر لاپرواہی نہیں ہونی چاہیے۔
ساتھ ہی وزیر اعلی نے ریاست کے عوام سے اپیل کی کہ خراب موسم میں آسمانی بجلی گرنے کا امکان ہے۔ اس دوران غیر ضروری طور پر گھر سے باہر نہ نکلیں۔ شدید بارش کے دوران ندیوں اور تالابوں میں نہاتے وقت خصوصی احتیاط برتیں۔