تاثیر17 اکتوبر ۲۰۲۶:- ایس -ایم- حسن
پٹنہ:اکتس مارچ 2015 کے بعد بحال ہونے والے اور حکومت کی ہدایت کے مطابق 2020 تک (این آئی او ایس) کے ذریعے باضابطہ تربیت حاصل کرنے والے اساتذہ پر منڈرارہے برطرفی کے بحران سے اساتذہ میں شدید تشویش اور مایوسی کا ماحول ہے۔ گزشتہ 10 سالوں سے اپنی مخلصانہ خدمات انجام دینے والے ان اساتذہ کو اچانک ملازمت سے ہٹانے کے سپریم کورٹ کے حالیہ فیصلے اور اس کے بعد ڈائریکٹر آف ایجوکیشن (سکھشا نردیشک) کی جانب سے 1 اکتوبر 2026 کو جاری کردہ خط کے بعد سے اساتذہ برادری میں شدید بے چینی ہے۔اس سنگین معاملے کو لے کر بی پی این پی ایس ایس (BPNPSS) ٹیچرز ایسوسی ایشن کے فعال وفد نے محاذ سنبھال لیا ہے۔ تنظیم کے اہم رہنماؤں—مصطفیٰ آزاد (بہار پردیش ترجمان و ضلع جنرل سکریٹری)، الطاف حسین (ٹیچر ایکٹیوسٹ، پٹنہ—جنہوں نے اردو سرپلس اساتذہ کے متعدد مسائل کو لے کر پٹنہ ہائی کورٹ میں بھی کیس درج کر کے پیروی کی ہے)، اور بنکیر عالم (ٹیچر ایکٹیوسٹ، پٹنہ) کی قیادت میں اساتذہ کا ایک وفد گزشتہ 5 اکتوبر کو بہار کے معزز وزیر تعلیم شری متھلیش تیواری سے ملاقات کر چکا ہے۔ وزیر تعلیم نے اساتذہ کو صبر و تحمل برقرار رکھنے اور مثبت کارروائی کا یقین دلایا ہے۔وزیر اعظم اور مرکزی وزیر تعلیم کو بھیجا گیا خط،معاملے کی حساسیت اور سنگینی کو دیکھتے ہوئے ٹیچر لیڈر مصطفیٰ آزاد (بہار پردیش ترجمان و ضلع جنرل سکریٹری) اور الطاف حسین (ٹیچر ایکٹیوسٹ، پٹنہ) نے ملک کے وزیر اعظم شری نریندر مودی اور مرکزی وزیر تعلیم کو ایک مکتوب ارسال کر کے مداخلت کی اپیل کی ہے۔ خط میں بالخصوص درج ذیل مطالبات رکھے گئے ہیں:
گزشتہ 10 سالوں سے اپنے اسکولوں میں مسلسل خدمات انجام دینے والے اردو اور بنگلہ اساتذہ سمیت تمام متاثرہ اساتذہ کی ملازمت کو محفوظ بنایا جائے۔،ان اساتذہ کی طویل خدمات کو مدنظر رکھتے ہوئے مرکزی حکومت اس پر مناسب اور منصفانہ پالیسی سازی کرے۔ہزاروں اساتذہ اور ان کے اہل خانہ کے سامنے پیدا ہونے والے روزی روٹی کے بحران کا مستقل حل نکالا جائے۔اساتذہ سے اپیل
تنظیم کے رہنماؤں نے تمام متاثرہ اساتذہ سے اپیل کی ہے کہ وہ صبر اور ضبط قائم رکھیں۔ تنظیم کی قیادت اس مسئلے کے حل کے لیے ہر قانونی اور انتظامی سطح پر مسلسل کوشاں ہے۔
جاری کردہ:
مصطفیٰ آزاد (بہار پردیش ترجمان و ضلع جنرل سکریٹری)
الطاف حسین (ٹیچر ایکٹیوسٹ، پٹنہ)
بنکیر عالم (ٹیچر ایکٹیوسٹ، پٹنہ)
و جملہ اراکین بی پی این پی ایس ایس (BPNPSS) ٹیچرز ایسوسی ایشن خاندان۔