تاثیر2 اکتوبر ۲۰۲۶:- ایس -ایم- حسن
سرینگر، 2 اکتوبر:گاندھی جینتی کے موقع پر، لیفٹیننٹ گورنر منوج سنہا نے جمعہ کے روز کہا کہ تیزی سے بدلتی ہوئی دنیا میں مہاتما گاندھی کے سچائی، عدم تشدد، خود انحصاری، وقار اور سماجی ذمہ داری کے نظریات آج بھی اہم اور اپنی معنویت رکھتے ہیں۔ انہوں نے اس بات پر زور دیا کہ تکنیکی ترقی کا سفر انسانی اقدار اور فہم و بصیرت کی رہنمائی میں طے ہونا چاہیے۔
سرینگر کے ایس کے آئی سی سی میں منعقدہ ایک تقریب سے خطاب کرتے ہوئے، لیفٹیننٹ گورنر سنہا نے کہا کہ 2 اکتوبر کیلنڈر کی محض ایک تاریخ نہیں ہے بلکہ شہریوں کے لیے یہ ایک ایسا موقع ہے کہ وہ گاندھی کی زندگی، ناانصافی کے خلاف مزاحمت کے ان کے انداز، خود انحصاری پر ان کے زور اور باوقار زندگی گزارنے کے عزم پر غور و فکر کریں۔