تاثیر8 اکتوبر ۲۰۲۶:- ایس -ایم- حسن
نئی دہلی، 08 اکتوبر: مانچسٹر یونائیٹڈ کے پرجوش مداح اور بھارتی کرکٹر یوزویندر چہل کو یقین ہے کہ ٹیم بین الاقوامی وقفے کے بعد واپسی کرتے ہوئے پریمیئر لیگ کی پوائنٹس ٹیبل میں اوپر جا سکتی ہے اور اپنی کارکردگی سے سب کو حیران کر سکتی ہے۔ چہل حال ہی میں اولڈ ٹریفورڈ پہنچے تھے، جہاں انہوں نے اسٹینڈز سے مانچسٹر ڈربی کا مقابلہ دیکھا۔
جیو اسٹار سے گفتگو میں چہل نے مانچسٹر یونائیٹڈ کے لیے اپنے بچپن کے شوق، پریمیئر لیگ کو فالو کرنے کی اپنی پسند اور مانچسٹر ڈربی کو اسٹیڈیم میں دیکھنے کے تجربے کے بارے میں بات کی۔
اپنے بچپن کے شوق اور پریمیئر لیگ سے لگاؤ کے بارے میں چہل نے کہا،”مانچسٹر یونائیٹڈ بچپن سے ہی میری پسندیدہ ٹیم رہی ہے، اس لیے جب بھی وقت ملتا ہے، پریمیئر لیگ دیکھنا مجھے واقعی پسند ہے۔ میری پسندیدہ چیزوں میں سے ایک یہ ہے کہ اپنے دوستوں کو ایک ساتھ بلاؤں، ان کے ساتھ بیٹھ کر یونائیٹڈ کا کوئی بڑا مقابلہ دیکھوں۔ اس میں ہمیشہ بہت سارے جذبات اور ہنسی مذاق شامل ہوتا ہے۔”