تاثیر30 اکتوبر ۲۰۲۶:- ایس -ایم- حسن
ڈیسا/احمد آباد، 30 اکتوبر: جمعہ کو، گجرات کے اپنے دو روزہ دورے کے پہلے دن، وزیر اعظم نریندر مودی نے بناس کانٹھا ضلع کے بھیلڑی میں مختلف ترقیاتی پروجیکٹوں کا افتتاح اور سنگ بنیاد رکھا۔ دورے کے دوران انہوں نے روڈ شو منعقد کیا اور خواتین مویشی پروری کرنے والوں سے بات چیت کی۔ وزیر اعظم نے پردھان منتری کسان سمان ندھی یوجنا کی 24ویں قسط کے تحت ملک بھر کے کسانوں کے بینک کھاتوں میں تقریباً 19,000 کروڑ روپے منتقل کئے۔
وزیر اعظم صبح ڈیسا ہوائی اڈے پر پہنچے، جہاں سے وہ بھیلڑی کے لیے روانہ ہوئے۔ بھیلڑی میں ان کے استقبال کے لیے ایک بڑا ہجوم جمع تھا۔ روڈ شو کے دوران لوگوں نے نعروں سے ان کا استقبال کیا۔ اس کے بعد وزیر اعظم نے خواتین مویشی پروری کرنے والی کسانوں سے بات چیت کی اور ان کے تحفظات کو سنا۔