تاثیر8 اکتوبر ۲۰۲۶:- ایس -ایم- حسن
نئی دہلی، 8 اکتوبر: صدر جمہوریہ دروپدی مرمو، نائب صدر جمہوریہ سی پی رادھا کرشنن، وزیر اعظم نریندر مودی سمیت کئی لیڈروں نے جمعرات کو 94 ویں یوم فضائیہ کے موقع پر فضائیہ کے جوانوں، سابق فوجیوں اور ان کے اہل خانہ کو مبارکباد پیش کی۔صدر جمہوریہ مرمو نے ایکس پر لکھا، “ہندوستانی فضائیہ نے پیشہ ورانہ مہارت، نظم و ضبط اور تیاری کے اعلی معیار کو برقرار رکھتے ہوئے ملک کی خدمت کی ہے۔ ‘آپریشن سندور’ نے ملک کی سلامتی کو یقینی بنانے میں ہمارے فضائیہ کے جوانوں کی ہمت، درستگی اور آپریشنل تیاری کو ثابت کیا۔ انہوں نے آفات اور انسانی بحرانوں کے وقت بھی قیمتی مدد فراہم کی ہے۔ ان کی لگن ملک کے لیے تحریک اور فخر کا ذریعہ بنی ہوئی ہے۔ ہندوستانی فضائیہ اپنی خدمات اور بہترین کارکردگی کی شاندار روایت کو برقرار رکھے “۔نائب صدر جمہوریہ سی پی رادھا کرشنن نے کہا کہ ہندوستانی فضائیہ کی بہادری، پیشہ ورانہ مہارت اور فرض کے تئیں غیر متزلزل لگن ملک کی خودمختاری کی حفاظت کرتی ہے اور قوم کو متاثر کرتی ہے۔