تاثیر1 نومبر ۲۰۲۶:- ایس -ایم- حسن
واشنگٹن ڈی سی، 31 اکتوبر: امریکہ نے یوکرین کو 500 پیٹریاٹ پی اے سی-3 ایم ایس ای میزائل اور ان سے متعلق ا?لات فروخت کرنے کی منظوری دے دی ہے۔ امریکی محکمہ خارجہ نے جمعہ کے روز اس فیصلے کا اعلان کیا۔ اس سودے کی تخمینی قیمت 2.1 ارب ڈالر ہے۔ خاص بات یہ ہے کہ اس خریداری کے تمام اخراجات یوکرین کے اتحادی اور شراکت دار ممالک برداشت کریں گے۔ تاہم، میزائلوں کی ترسیل میں کئی سال لگ سکتے ہیں۔
ترکیہ کی سرکاری خبر رساں ایجنسی انادولو اور امریکی ٹیلی ویڑن نیٹ ورک (اے بی سی) نے امریکی محکمہ خارجہ کے حوالے سے بتایا کہ، یوکرین اس سودے کے لیے کینیڈا، جرمنی اور ناروے سے ملنے والی مالی امداد کا استعمال کرے گا۔ یہ فنڈنگ امریکہ کے ’’جمپ اسٹارٹ‘‘ (’جوائنٹ یوکرین ملٹی نیشنل پروگرام – سروسز، ٹریننگ اینڈ ا?رٹیکلز ریپڈ ٹائم لائن‘) پروگرام کے تحت فراہم کی جائے گی۔ اس کے علاوہ یورپی یونین کے ’یوکرین سپورٹ لون‘ سے بھی ادائیگی کی جائے گی۔ محکمہ نے واضح کیا کہ اس سودے میں امریکہ کا اپنا کوئی فنڈ شامل نہیں ہے۔ اس اسلحہ سودے میں امریکی دفاعی کمپنی لاک ہیڈ مارٹن بنیادی ٹھیکیدار ہوگی۔ پیکیج میں 500 پی اے سی-3 ایم ایس ای میزائلوں کے ساتھ خفیہ اور عام اسپیئر پارٹس، لاجسٹکس اور پروگرام سپورٹ بھی شامل ہیں۔
پی اے سی-3 ایم ایس ای انٹرسیپٹر کو تیز رفتار سے ا?نے والے بیلسٹک میزائلوں کو فضا میں ہی تباہ کرنے کے لیے تیار کیا گیا ہے۔ روس کی جانب سے یوکرین کے توانائی مراکز اور شہری بنیادی ڈھانچے پر مسلسل ہو رہے میزائل حملوں کے درمیان ان انٹرسیپٹرز کی مانگ بڑھ گئی ہے۔ زیلینسکی نے روس کے بڑھتے حملوں کا حوالہ دیتے ہوئے امریکہ سے جلد از جلد میزائلوں کی فراہمی یقینی بنانے کا مطالبہ کیا ہے۔