تاثیر4 نومبر ۲۰۲۶:- ایس -ایم- حسن
نئی دہلی، 04 نومبر:مرکزی کابینہ نے بدھ کے روز ملک کے بجلی گرڈ کو مضبوط بنانے اور قابلِ تجدید توانائی کو فروغ دینے کے مقصد سے جاری مالی سال 2026-27 سے 2030-31 تک گرڈ سطح کے توانائی ذخیرہ کرنے کے نظام کے لیے 14,500 کروڑ روپے کی مالی امداد کی اسکیم کو منظوری دے دی ہے۔ یہ امداد ’’وائی ایبلٹی گیپ فنڈنگ‘‘ کے تحت فراہم کی جائے گی۔
اطلاعات و نشریات کے مرکزی وزیر اشونی ویشنو نے یہاں پریس کانفرنس میں بتایا کہ وزیر اعظم نریندر مودی کی صدارت میں منعقدہ مرکزی کابینہ نے آج مالی سال 2026-27 سے 2030-31 کے درمیان 92 گیگاواٹ آور کے گرڈ سطح کے توانائی ذخیرہ کرنے کے نظام کے لیے 14,500 کروڑ روپے کی وائی ایبلٹی گیپ فنڈنگ کو منظوری دی ہے۔
ویشنو نے بتایا کہ اس اسکیم کا مقصد ملک بھر میں 92 گیگاواٹ آور کی نئی توانائی ذخیرہ کرنے کی صلاحیت تیار کرنے میں مدد فراہم کرنا ہے۔ یہ قدم اس لیے اہم ہے کہ ہندوستان نے 2030 تک 500 گیگاواٹ قابلِ تجدید توانائی پیدا کرنے کا بڑا ہدف مقرر کیا ہے۔