تاثیر5 نومبر ۲۰۲۶:- ایس -ایم- حسن
ٹھمنڈو، 5 نومبر: بھارتی خارجہ سکریٹری وکرم مسری نے جمعرات کی صبح نیپال کے وزیرِ اعظم بالیندر شاہ سے سنگھ دربار میں واقع وزیرِ اعظم اور وزراء کونسل کے دفتر میں خیرسگالی ملاقات کی۔ اس دوران نیپال اور بھارت کے درمیان تاریخی دوطرفہ تعلقات کو مزید مضبوط اور وسیع بنانے کے امور پر تبادلہ? خیال کیا گیا۔ دو روزہ سرکاری دورے پر بدھ کے روز کٹھمنڈو پہنچنے والے بھارتی خارجہ سکریٹری وکرم مسری نے جمعرات کو بھی اعلیٰ سطحی ملاقاتوں کا سلسلہ جاری رکھا۔ وزیرِ اعظم بالیندر شاہ کے ساتھ ملاقات میں انہوں نے بھارت کی حکومت کی جانب سے نیپال کی ترقی اور خوشحالی کے لیے مسلسل تعاون کے عزم کا اظہار کیا۔ ملاقات کے دوران دونوں ممالک کے باہمی مفادات، رابطہ کاری، تجارت اور ثقافتی تعلقات کے مختلف پہلوؤں پر مثبت گفتگو ہوئی۔ بھارتی خارجہ سکریٹری کے اس دورے کو سفارتی نقط? نظر سے اہم قرار دیا جا رہا ہے۔ ماہرین کا خیال ہے کہ دونوں ممالک کے درمیان زیرِ التوا مسائل پر اتفاقِ رائے پیدا کرنے اور اعلیٰ سطحی مسلسل مذاکرات کو برقرار رکھنے میں اس طرح کے دورے پل کا کردار ادا کرتے ہیں۔