Taasir Urdu News Network – Syed M Hassan 02 MARCH
نیتا مکیش امبانی کے ثقافتی مرکز کی افتتاحی تقریب میں بالی ووڈ سے لے کر ہالی وڈ تک کی مشہور شخصیات نے شرکت کی۔ ایونٹ کے پہلے روز مشہور شخصیات ریڈ کارپٹ پر نظر آئیں۔ پرینکا چوپڑا،نک جونس،دیپیکا پادوکون،رنویر سنگھ،عالیہ بھت،سلمان خان،شاہ رخ خان کے ساتھ “اسپائیڈر مین” فیم ٹام ہالینڈ، زونڈایا، جی جی حدید نے اس پروگرام کو زینت بخشی ۔
ایونٹ کا دوسرا دن بھی شاندار رہا۔ اس موقع پر بالی ووڈ کے کچھ اداکاروں نے اسٹیج پر شاندار پرفارمنس دی۔ رنویر سنگھ، ورون دھون، شاہ رخ خان کے ڈانس کی ویڈیوز ان دنوں سوشل میڈیا پر وائرل ہو رہی ہیں۔اس پروگرام کی ایک ویڈیو اس وقت سوشل میڈیا پر وائرل ہو رہی ہے۔ اس ویڈیو میں ورون کے ساتھ امریکی سپر ماڈل گیگی حدید نظر آ رہی ہیں۔ ورون، جو اسٹیج پر پرفارم کر رہے ہیں، اچانک گیگی کو بلاتے ہیں اور انہیں اٹھا لیتے ہیں ۔ جب وہ سٹیج سے اترتی ہیںتو وہ انہیں گال پر بوسہ دیتے ہیں ۔ ورون کا یہ رویہ مداحوں کو پسند نہیں آیا۔سوشل میڈیا پر صارفین کہہ رہے ہیں، ’’یہ کافی بے عزتی ہے۔ ایک نے لکھا۔ ایسا کرنے کی ضرورت نہیں تھی۔ اس کے بعد جس طرح سے وہ بھاگی، ایسا لگتا ہے کہ وہ کبھی ہندوستان واپس نہیں آئے گی، نیٹیزین نے یہ بھی پوچھا ہے کہ “اگر کوئی ورون کی بیوی کے ساتھ بھی ایسا کرتا ہے”۔ صارفین نے یہ بھی کہا ہے کہ “سب کے سامنے ایسا کچھ کرنے سے پہلے کم از کم اس سے پوچھ لیں ۔جی جی حدید ایک ماڈل ہیں۔ اس کا نام جیلینا نورا حدید ہے۔ وہ لاس اینجلس میں پیدا ہوئی تھیں۔ انہوں نے بچپن سے ہی ماڈلنگ کے شعبے میں اپنا نام بنایا۔ وہ مشہور میگزین کے سرورق کے لیے مشہور ترین فیشن شوز اور فوٹو شوٹس میں نظر آ چکی ہیں۔
