تاثیر،۳۱ مئی ۲۰۲۴:- ایس -ایم- حسن
نئی دہلی،31 مئی:چین نے ہندوستانی سرحد سے صرف 150 کلومیٹر کے فاصلے پر سکم میں اپنے سب سے ہائی ٹیک جے -20 اسٹیلتھ فائٹر جیٹس کو تعینات کیا ہے۔ ان چینی لڑاکا طیاروں کی پوزیشن 27 مئی کو لی گئی سیٹلائٹ تصویر میں دیکھی جا سکتی ہے۔سیٹلائٹ تصاویر میں دیکھا جا سکتا ہے کہ چین نے ہندوستانی سرحد سے 150 کلومیٹر دور سکم میں کل 6 جے -20 اسٹیلتھ لڑاکا طیارے تعینات کیے ہیں۔ چین نے ان لڑاکا طیاروں کو فوجی اور سول مقاصد کے لیے استعمال ہونے والے ہوائی اڈوں پر تعینات کیا ہے۔ یہ ہوائی اڈہ تبت کے دوسرے بڑے شہر شیگیٹی میں ہے۔ 12,408 فٹ کی بلندی پر واقع یہ ہوائی اڈہ دنیا کے بلند ترین ہوائی اڈوں میں بھی شامل ہے۔ سیٹلائٹ امیجز میں کے جے -500 ایئر بورن ارلی وارننگ اور کنٹرول ایئر کرافٹ بھی دکھائی دے رہا رپورٹ کے مطابق ہندوستانی فضائیہ جے-20 لڑاکا طیاروں کی تعیناتی سے آگاہ ہے۔ لیکن فی الحال اس پر حکومت ہند کی طرف سے کوئی بیان سامنے نہیں آیا ہے تاہم یہ پہلا موقع نہیں ہے جب چین نے تبت میں جے-20 لڑاکا طیارے تعینات کیے ہیں۔ یہ لڑاکا طیارہ 2020 اور 2023 کے درمیان چین کے ہوتان صوبے کے سنکیانگ میں دیکھا گیا ہے۔ لیکن، یہ سکم کے قریب جے-20 کی سب سے بڑی تعیناتی سمجھی جاتی ہے تاہم، چین دنیا کا تیسرا ملک ہے جس نے اسٹیلتھ لڑاکا طیارے فعال طور پر تعینات کیے ہیں۔ ان جیٹ طیاروں میں سینسرز کی ایک سیریز ہے، جنہیں وقتاً فوقتاً اپ گریڈ کیا جا رہا ہے۔ فضائیہ میں اسٹیلتھ فائٹر جیٹ کا کردار ایک ‘سپر فائٹر’ جیسا ہے۔ اس کا کیریئر چین کے سب سے ہائی ٹیک ہوا سے فضا میں مار کرنے والے میزائل لے جانے کی صلاحیت رکھتا ہے۔ اس میں پی ایل -15 میزائل بھی شامل ہے۔ پی ایل -15 کے بارے میں خیال کیا جاتا ہے کہ یہ میزائل 300 کلومیٹر کے فاصلے سے بھی ہدف کو نشانہ بنا سکتا ہے۔