نیپال کے شمسی میں بھنسار دفتر کھولنے کا وزیرِ اعلیٰ سے مطالبہ

سیتا مڑھی (مظفر عالم)

ضلع کے پریہار ہیڈ کوارٹر کے پنچائیت سمیتی سعود عالم نے نیپال کے مدھیش پردیش کے وزیر اعلی ستیش کمار سنگھ سے ملاقات کی اور میمورنڈم پیش کیا۔  وفد کے سربراہ نوجوان سماجی کارکن رضا اللہ رضا نے وزیر اعلیٰ نیپال  سے ہندوستانی علاقے کنہواں سے متصل نیپالی علاقے کے شمسی میں بھنسار کا دفتر کھولنے کا مطالبہ کرتے ہوئے وزیر اعلیٰ کو دلیل دی کہ اس وقت پریہار بلاک میں کسی بھی نیپالی سرحد پر کھولا  جا سکتا ہے، مثال کے طور پر نیپال جانے کے لیے 20 سے 25 کلومیٹر کے فاصلے پر موجود بھیٹھامور اور سونبرسا کا سہارا لینا پڑتا ہے، جس کی وجہ سے روٹی بیٹی کے رشتے میں دراڑ آ جاتی ہے۔ ہندوستان سے نیپال یا نیپال سے ہندوستان میں شادیوں کی تعداد میں تیزی سے کمی آرہی ہے۔ وزیرِ اعلیٰ شری سنگھ نے اتفاق کیا اور کہا کہ وہ مرکزی حکومت کو اس معاملے سے آگاہ کریں گے۔  اس سے قبل وفد نے وزیر اعلیٰ کو گلدستہ دے کر ان کی عزت افزائی کی۔  اس موقع پر بیلہ مچاپکونی کے پنس کے نمائندے فیروز انصاری، پریہار   کے نمائندے شاہد آفریدی، سماجی کارکن اشرف انصاری، گلاب پور سیسوا کٹیا وکاس منچ کے رہنما امتیاز ، جنتا پارٹی کے سابق سٹی صدر مانرا سیسوا کٹیا شتروہن سہنی موجود تھے۔