تاثیر 21 اکتوبر ۲۰۲۴:- ایس -ایم- حسن
جموں، 22 اکتوبر: لیفٹیننٹ گورنر منوج سنہا نے آج یونیورسٹی آف جموں میں بین الاقوامی کانفرنس کا افتتاح کیا۔ اس موقع پر اپنے خطاب میں لیفٹیننٹ گورنر نے یونیورسٹی آف جموں کے شعبہ زولوجی اور انڈین سوسائٹی فار کمپیریٹو اینڈوکرائنولوجی کی کاوشوں کو سراہتے ہوئے کہا کہ اینڈوکرائنولوجی اور دیگر اہم شعبہ جات میں ہونے والی جدید تحقیقات ہمارے معاشرے کی فلاح و بہبود کے لیے بے حد اہم ہیں۔
انہوں نے مزید کہا کہ سائنسدان اور ماہرین تعلیم معاشرتی ترقی میں ایک کلیدی کردار ادا کرتے ہیں اور ان کی تحقیق کا مقصد انسانیت کی بھلائی اور ترقی ہونی چاہیے۔ انہوں نے کہا کہ موجودہ دور میں ذہنی دباؤ اور طرز زندگی سے وابستہ بیماریوں کا پھیلاؤ حقیقت ہے، اور اس کا مقابلہ کرنے کے لیے سائنسدانوں اور محققین کو ایک دوسرے کے ساتھ مل کر کام کرتے ہوئے نئی تحقیقات اور اختراعات کے ذریعے ان مسائل کے حل پر توجہ دینی چاہیے۔