بی جے پی کو لاٹھیوں سے نہیں بلکہ ووٹوں کی چوٹ سے جواب دینا ہے: اقرا حسن

ٹھاکرگنج (محمد شاداب غیور)

آج ہمیں بی جے پی اتحادی حکومت کو تخت سے سے ہٹانے کے لئے لاٹھیوں کی چوٹ سے نہیں بلکہ ووٹوں کی چوٹ سے تخت سے ہٹانا ہے۔ یہ باتیں منگل کے روز ایس پی کے رکن پارلیمنٹ اقرا حسن نے آر جے ڈی کے امیدوار سعود عالم کے لئے ٹھاکرگنج اسمبلی حلقہ کے تحت جنتا ہاٹ چوک میں انتخابی ریلی سے خطاب کرتے ہوئے کہیں۔ انہوں نے بھری اسٹیج سے خطاب کرتے ہوئے بتایا کہ آج ہمیں امیدوار سے اوپر کی حکومت کو دیکھنے کے بعد ہی ووٹ ڈالنا ہوگا۔ اور لوگوں سے آر جے ڈی کے ایم ایل اے سعود عالم کو ووٹ دینے کی اپیل کرتے ہوئے انہوں نے کہا کہ اگر آپ اسےکامیاب کریں گے تو آپ کی حکومت تشکیل دے گی ، لہذا اپنے ووٹوں کا بکھراؤ نہیں ہو۔ اور گٹھ بندھن اتحاد کے ہاتھ کو مضبوط کریں۔ دوسری طرف اقرا حسن نے اے آئی ایم آئی ایم کا نام لیے بغیر کہا کہ آج مذہب اور ذات کے نام پر زیادہ سے زیادہ امیدوار آپ کے پاس ووٹ کے لئے آینگے، لیکن ہمیں ان کے جھانسے میں نہیں آنا ہے۔ ان کو ووٹ ڈالنے سے بی جے پی کی ہاتھوں کو مضبوطی ملے گی۔ سند رہے کہ اقرا حسن نے سب سے پہلے پواکھالی ہائی اسکول گراؤنڈ میں عوامی جلسے سے خطاب کیا۔ اس کے بعد آخر میں پٹیسری پنچایت کی قاضی بستی پٹیسری میں خواتین کے ساتھ عوامی مکالمہ ہوا۔ جنتا ہاٹ چوک میں ایم ایل اے سعود عالم ، بہادر گنج کے ایم ایل اے انظار نعیمی ، آر جے ڈی لیڈر مشتاق عالم ، مفتی اطہر جاوید وغیرہ نے خطاب کیا۔ سعود عالم نے اپنے دور میں ہونے والے ترقیاتی کاموں کو درج کیا اور آر جے ڈی کو ووٹ دینے کی اپیل کی۔ ایم ایل اے انظار نعیمی نے کہا کہ ہمیں پارٹی سے ٹکٹ نہ ملنے پر کوئی افسوس نہیں ہے۔ کیونکہ ہم نے پارٹی کے ذریعہ کیے گئے فیصلے کو قبول کرلیا ہے ، کیونکہ آج تیجسوی یادو نے بہار کی پیشرفت کے لئے این ڈی اے کے ساتھ اپنی لڑائی جاری رکھی ہے۔ لہذا ، ہماری کوششیں تیجسوی یادو کے ہاتھوں کو مضبوط بنانے کی ہیں۔ آر جے ڈی کے رہنما مشتاق عالم نے کہا ہے کہ میں نے بھی آر جے ڈی امیدوار بننے کی پوری کوشش کی ہے لیکن مجھے بھی ٹکٹ نہیں ملا۔ اس کا مطلب یہ نہیں ہے کہ میں پارٹی کے ساتھ بغاوت کر لو۔ مسٹر مشتاق نے کہا کہ جب بھی آپ کو میری ضرورت ہوگی میرے جسم میں خون کا ہر قطرہ آپ کے لئے ہوگا۔ لیکن کسی بھی صورت حال میں بھاجپا کو کامیاب ہونے نہیں دینگے۔ مفتی اطر جاوید نے اپنے پرجوش انداز میں اویسی کی پارٹی کے خلاف بہت سارے الزامات لگائے اور لوگوں سے کہا کہ وہ متفقہ طور پر آر جے ڈی کو ووٹ دیں۔ انہوں نے کہا کہ اویسی کا امیدوار مسلمانوں کے ووٹوں کو کاٹ کر بی جے پی کی مدد کر رہا ہے۔ اس دوران اقرا حسن کو سننے کے لئے جمع لوگوں کا ایک بہت بڑا ہجوم اقرا حسن کے استقبال کے لئے نعرے بازی کی گئی۔ اور اقرا حسن نے اسٹیج سے ہی ہاتھ ہلا کر سب کا شکریہ ادا کیا۔ شاہنواز حسین عرف کلو نے نقابت کی ذمہ داری کو انجام دیا، اس موقع پر بیچن یادو ، گنیش مکھیا، میر محفوظ ، سروس عالم ، تیج نارائن یادو ، انیس عالم ، ڈبلیو کے علاوہ سینکڑوں کارکن موجود تھے۔