تاثیر 25 مئی ۲۰۲۶:- ایس -ایم- حسن
نئی دہلی، 25 مئی: دہلی ہائی کورٹ کے وکلاء ضلعی عدالتوں کے مالیاتی دائرہ اختیار کو بڑھانے کی تجویز کے خلاف آج عدالتی کارروائی کا بائیکاٹ کریں گے۔ عدالتی کام کے اس بائیکاٹ کی اپیل دہلی ہائی کورٹ بار ایسوسی ایشن نے کی ہے۔ایسوسی ایشن کے سکریٹری وکرم سنگھ پنوار کے دستخط کے تحت جاری کردہ نوٹس میں ضلعی عدالتوں کے مالیاتی دائرہ اختیار کو بڑھانے کے مقصد سے کسی بھی تجویز کی سخت مخالفت درج کی گئی ہے۔ نوٹس میں کہا گیا ہے کہ اگر ضلعی عدالتوں کے مالیاتی دائرہ کار میں توسیع کی گئی تو اس سے ہائی کورٹ میں پریکٹس کرنے والے وکلاء کی روزی روٹی پر منفی اثر پڑے گا۔ اسکے علاوہ متنبہ بھی کیا ہے کہ اس طرح کے اقدام سے انصاف کی فراہمی کے نظام پر گہرا اثر پڑے گا۔