راشٹریہ جنتا دل کی جانب سے ایک روزہ احتجاجی مظاہرہ کا انعقاد مظاہرے میں سابق مرکزی وزیر سمیت ناتھ نگر اسمبلی حلقہ کے امیدوار ہوئے شامل

بھا گلپور ( منہاج عالم) بہار پردیش راشٹریہ جنتا دل کی ہدایت پر اور حزب اختلاف کے رہنما تیجشوی یادو کی اپیل پر، پورے بہار میں ایک روزہ ضلع سطحی احتجاجی مظاہرے کے تحت، بھاگلپور ضلع کلکٹریٹ کے سامنے راشٹریہ جنتا دل بھاگلپور کے بینر تلے اور ضلع صدر کی صدارت میں ایک عظیم احتجاجی مظاہرہ  منعقد کیا گیا۔ اس پروگرام میں حکومت ہند کے سابق مرکزی وزیر شری جے پرکاش نارائن یادو نے بطور مہمان خصوصی شرکت کی۔ پروگرام سے خطاب کرتے ہوئے ناتھ نگر اسمبلی حلقہ کے سابق امیدوار شیخ ضیاء الحسن عرف زیڈ حسن نے کہا: مرکز اور ریاست کی حکومتیں عوام کے ہر مڈے پر ناکام ہو چکی ہیں۔ قتل، لوٹ مار، اغوا اور بدعنوانی بے لگام ہے۔ بے روزگاری کا عالم یہ ہے کہ گزشتہ دنوں مدھ نشیدھ (محکمہ آبکاری) کے امتحان میں شامل ہونے جا رہے طلبہ کو جب ٹرین نہیں ملی، تو پولیس نے بھیڑ دیکھ کر اپنا آپا کھو دیا اور نوجوان طلبہ و طالبات پر لاٹھی چارج کر دیا۔ بہار حکومت نوکری دینے کے بجائے، آج نوجوانوں کو ویکینسی (نوکریوں کے اشتہار) نکلوانے کے لیے لاٹھیاں اور گولیاں کھلوا رہی ہے۔” انہوں نے مزید کہا کہ راشٹریہ جنتا دل اپنے ذاتی مفاد کے لیے نہیں، بلکہ ریاست کے 14 کروڑ غریبوں، دلتوں، پسماندہ، مظلوموں، کسانوں اور مزدور بھائیوں کے حقوق کی لڑائی کے لیے سڑکوں پر اتری ہے۔ ہماری مانگ ہے کہ کسانوں، طلبہ اور نوجوانوں پر ہونے والے مظالم اور استحصال کو حکومت فوراً روکے، ورنہ راشٹریہ جنتا دل کا خاندان سڑکوں پر تحریک جاری رکھے گا اور حکومت کو جگاتا رہے گا۔پروگرام میں  ضلع صدر شری چندر شیکھر یادو آرجے ڈی لیڈر ڈاکٹر چکرپانی ہمانشو آرجے ڈی لیڈر سوربھ یادو اور ششوپال بھارتی آ رجے ڈی لیڈر تروپتی ناتھ یادو اور عمر تاج انصاری آ رجے ڈی لیڈر بھوپالی یادو اور اروند یادو جناردن آزاد اور نظامت (اسٹیج سکریٹری) کرنے والے محمد عثمان سابق ایم ایل اے شری رام ولاس پاسوان چندن سنہا، ڈاکٹر آنند آزاد، لالو یادو، پربھاکر یادو، اور پردیپ یادو موقع پر تمام بلاکوں کے صدور، تمام سیل  کے ضلعی صدور، ضلع کے تمام سینئر رہنما، عہدیداران اور کثیر تعداد میں کارکنان موجود تھے۔