تاثیر 30 جون ۲۰۲۶:- ایس -ایم- حسن
نئی دہلی، 30 جون: اپوزیشن انڈیا اتحاد کی 23 جماعتوں اور ایک آزاد رکن نے چیف جسٹس آف انڈیا، جسٹس سوریہ کانت کو الیکشن کمیشن کے اسپیشل انٹینسیو ریویو (ایس آئی آر) کے عمل اور انتخاب سے متعلق دیگر مسائل پر ایک مشترکہ خط بھیجا ہے۔
جنرل سکریٹری جے رام رمیش نے منگل کو ایکس پر بتایا کہ 8 جون کو منعقدہ انڈیا اتحاد کی میٹنگ میں 21 سیاسی جماعتوں اور ایک آزاد رکن نے حصہ لیا۔ میٹنگ میں فیصلہ کیا گیا کہ الیکشن کمیشن کے ایس آئی آر عمل اور انتخابی شفافیت سے متعلق مسائل پر چیف جسٹس آف انڈیا کو ایک مشترکہ خط بھیجا جائے گا۔ اب یہ خط 23 جماعتوں اور ایک آزاد رکن کے دستخطوں کے ساتھ چیف جسٹس کو بھیجا گیا ہے۔