تاثیر 7 جولائی ۲۰۲۶:- ایس -ایم- حسن
گوہاٹی، 7 جولائی: اے آئی یو ڈی ایف کے سربراہ اور ایم ایل اے مولانا بدرالدین اجمل نے منگل کو منشیات کے خلاف سخت کارروائی کا مطالبہ کیا اور کہا کہ اگر پولیس منشیات فروشوں اور منشیات کے کاروبار میں ملوث افراد کے خلاف انکاؤنٹر کرتی ہے تو انہیں کوئی اعتراض نہیں ہے۔ ایوان کی کارروائی میں شرکت کے بعد اسمبلی چیمبر کے باہر میڈیا سے بات کرتے ہوئے اجمل نے کہا کہ منشیات کے کاروبار میں ملوث ہر شخص ایک طرح سے قاتل ہے کیونکہ منشیات نے بہت سے خاندان برباد اور نوجوانوں کا مستقبل تاریک کر دیا ہے۔انہوں نے کہا کہ ریاست سے منشیات کے کاروبار کو مکمل طور پر ختم کرنے کے لیے حکومت کو اس میں ملوث مجرموں کے خلاف ’’دیکھتے ہی گولی مار‘‘ جیسے سخت احکامات جاری کرنے پر بھی غور کرنا چاہیے۔