تاثیر 16 جولائی ۲۰۲۶:- ایس -ایم- حسن
اترکاشی، 16 جولائی: اتراکھنڈ کے اترکاشی ضلع میں زیر تعمیر سلکیارا ٹنل میں شاٹ کریٹ لائننگ کا ایک بلاک گرنے سے جھارکھنڈ کے ایک ویلڈر کی جمعرات کی صبح موت ہو گئی۔ انتظامیہ نے حادثے کی تحقیقات شروع کر دی ہیں۔
ڈسٹرکٹ ایمرجنسی آپریشن سینٹر کے مطابق، بدھ کی نصف شب کے بعد بڑکوٹ کے طرف سے تقریباً 900میٹر اندر شاٹ کریٹ لائننگ کا ایک بلاک ٹوٹ کر گر گیا۔ 22 سالہ ویلڈر نریش گانجھو ولد کھیرودھر گانجھو ساکن نارائن پور، جھارکھنڈ شدید طور پر زخمی ہوگیا۔ انہیں نجی ایمبولینس کے ذریعے بڑکوٹ کے کمیونٹی ہیلتھ سینٹر لے جایا گیا جہاں ڈاکٹروں نے اسے مردہ قرار دے دیا۔
واقعہ کی اطلاع ملتے ہی ضلع مجسٹریٹ پرشانت آریہ کی ہدایت پر سب ڈسٹرکٹ مجسٹریٹ بڑکوٹ جائے وقوعہ پر پہنچے۔ ایڈیشنل ڈسٹرکٹ مجسٹریٹ، بڑکوٹ اور این ایچ آئی ڈی سی ایل کی ایک مشترکہ ٹیم حادثے کی وجہ کی تحقیقات کر رہی ہے۔