تاثیر 18 اگست ۲۰۲۶:- ایس -ایم- حسن
نئی دہلی، 18 اگست : پولس نے بیرونی دہلی ضلع کے نانگلوئی علاقے میں ریلوے پٹریوں کے قریب چاقو کی نوک پر ایک نوجوان کو لوٹنے کے الزام میں دو بدمعاش کو گرفتار کیا ہے۔ ملزمین کی شناخت نتن (20) ساکن نانگلوئی اور راہل (19) ساکن کراڑی کے طور پر کی گئی ہے۔ پولیس نے ان کے قبضے سے چوری شدہ موبائل فون اور جرم میں استعمال ہونے والا ا?ٹومیٹک چاقو برآمد کر لیا۔ واقعے میں ملوث دیگر ملزمان کی تلاش جاری ہے۔پولیس کے مطابق، ایک نوجوان نے 14 اگست کو نانگلوئی پولیس اسٹیشن میں شکایت درج کرائی، اس نے بتایا کہ وہ گھر جا رہا تھا اور وینا انکلیو کے پیچھے ریلوے لائن کے قریب کے علاقے میں پہنچا ہی تھا کہ چار نوجوانوں نے اسے پیچھے سے گھیر لیا۔ ایک بدمعاش نے اسے عقب سے پکڑ لیا، جب کہ دو دوسرے نے اس کے ہاتھ پکڑ لیے۔ اسی دوران ایک چوتھے بدمعاش نے چاقو نکالا اور اسے دھمکی دی۔ اس کے بعد بدمعاشوں نے موقع سے فرار ہونے سے پہلے اس سے 1500 روپے اور اس کا موبائل فون لوٹ لیا۔ شکایت کی بنیاد پر، بی این ایس کی متعلقہ دفعات کے تحت نانگلوئی پولیس اسٹیشن میں ایک کیس درج کیا گیا، اور تحقیقات شروع کی گئی۔ پولیس کی ایک ٹیم نے ملوث بدمعاشوں کی شناخت کے لیے علاقے میں تلاش شروع کر دی۔ ایس ایچ او پون تومر کی قیادت میں ایس آئی راکیش، ہیڈ کانسٹیبل سنجے اور کانسٹیبل دنیش پر مشتمل ایک ٹیم تشکیل دی گئی۔