تاثیر 15 ستمبر ۲۰۲۶:- ایس -ایم- حسن
اورنگ آباد، 15 ستمبر: مراٹھواڑہ مکتی سنگرام دن کے موقع پر شیوسینا ادھو بالا صاحب ٹھاکرے گروپ کی جانب سے پارٹی سربراہ ادھو ٹھاکرے کی قیادت میں عوامی تحریک شروع کرنے کا اعلان کیا گیا ہے۔ اسی تحریک کے تحت 17 ستمبر کو اورنگ آباد میں ڈویڑنل کمشنر کے دفتر کے سامنے بڑے پیمانے پر مراٹھواڑہ گیر دھرنا احتجاج کیا جائے گا۔
اس احتجاج کی تیاریوں کے سلسلے میں آج ماتربھومی پرتشٹھان میں پارٹی عہدیداروں اور شیوسینکوں کی جائزہ میٹنگ منعقد ہوئی۔ میٹنگ میں احتجاج کی منصوبہ بندی کا تفصیلی جائزہ لیا گیا اور اسے کامیاب بنانے کے لیے پارٹی عہدیداروں کو ضروری ہدایات دی گئیں۔ احتجاج میں مراٹھواڑہ کے مختلف علاقوں سے پارٹی عہدیداروں، شیوسینکوں اور کارکنوں کی بڑی تعداد میں شرکت یقینی بنانے کے لیے تنظیمی سطح پر تیاری کی جارہی ہے۔ پارٹی کی جانب سے مختلف علاقوں کے کارکنوں کو تحریک میں بھرپور شرکت کے لیے متحرک کیا جارہا ہے۔