تاثیر 19 ستمبر ۲۰۲۶:- ایس -ایم- حسن
احمد آباد، 19 ستمبر: اڈانی گروپ نے بھارتی اولمپک ایسوسی ایشن (آئی او اے) کے ساتھ بطور اہم اسپانسر اپنی شراکت داری کی تجدید کی ہے۔ اس کے ساتھ ہی گروپ نے بھارتی کھیلوں اور اعلیٰ سطح پر ملک کی نمائندگی کرنے والے کھلاڑیوں کے لیے اپنی طویل مدتی حمایت کے عزم کا اعادہ کیا ہے۔یہ شراکت داری گلاسگو کامن ویلتھ گیمز 2026 کے دوران بھی جاری رہی، جہاں ہندوستان نے 39 تمغوں—13 طلائی، 17 چاندی اور 9 کانسہ—کے ساتھ تمغوں کی فہرست میں چوتھی پوزیشن حاصل کی۔ آئی او اے کے ساتھ تجدید شدہ شراکت داری جاپان کے آئچی-ناگویا میں 19 ستمبر سے 4 اکتوبر 2026 تک ہونے والے ایشیائی کھیلوں کے دوران بھی جاری رہے گی۔اڈانی انٹرپرائزز لمیٹڈ کے ڈائریکٹر پرنو اڈانی نے ایک بیان میں کہا کہ ہندوستانی ایتھلیٹس عالمی سطح پر مسلسل ملک کا نام روشن کر رہے ہیں۔ انہوں نے کہا کہ بھارتی اولمپک ایسوسی ایشن کے ساتھ شراکت داری کی تجدید پر انہیں خوشی ہے۔