تاثیر5 اکتوبر ۲۰۲۶:- ایس -ایم- حسن
وارانسی، 5 اکتوبر : وارانسی کی ضلعی عدالت نے اتر پردیش کوڈین کھانسی کے شربت کی اسمگلنگ معاملہ کے سلسلے میں مطلوب شبھم جیسوال کی بیوی ویشالی جیسوال عرف ویشالی پوسوانی کے خلاف گرفتاری کا وارنٹ جاری کیا ہے۔ عدالت نے کوتوالی پولیس کو ملزم ویشالی کو گرفتار کرنے اور اسے عدالت میں پیش کرنے کی ہدایت کی ہے۔وارانسی کوتوالی پولیس اسٹیشن کے انچارج دیاشنکر سنگھ نے پیر کو بتایا کہ ویشالی کے خلاف عدالتی وارنٹ جاری کیا گیا ہے۔ عدالت کے حکم کے مطابقویشالی کی تلاش کے لیے پولیس کی دو ٹیمیں تعینات کی گئی ہیں۔ ویشالی کا پتہ عدالت کے حکم میں آدم پور پولیس اسٹیشن کی حدود میں واقع کایستھ ٹولا اور جگت گنج محلے میں درج کیا گیا ہے، جہاں پولیس ٹیمیں بھیجی گئی ہیں۔ ویشالی کے رشتہ داروں، جاننے والوں اور دیگر ممکنہ مقامات پر بھی چھاپے مارے جا رہے ہیں۔انہوں نے کہا کہ مطلوب شبھم اور ویشالی دونوں فرار ہیں۔ ویشالی کے رشتہ داروں کی مسلسل نگرانی کی جا رہی ہے۔