تاثیر23 اکتوبر ۲۰۲۶:- ایس -ایم- حسن
جے پور، 23 اکتوبر: راجستھان میں جمعہ کی صبح پیش آئے ایک سڑک حادثے میں اتر پردیش کے آگرہ کے رہنے والے چار دوستوں کی موت ہو گئی، جب کہ دو دیگر شدید زخمی ہو گئے۔ تمام نوجوان دوسہ ضلع کے رائسر میں کھاٹو شیام کے درشن کرنے کے بعد کار سے واپس لوٹ رہے تھے۔ اسی دوران کار کا ٹائر پھٹنے سے گاڑی بے قابو ہو گئی اور سڑک کے کنارے کھائی میں جا گری۔ حادثے میں اتْل، مکل، روپیش اور شیو کی موت ہو گئی، جب کہ راہل اور ارپت شدید زخمی ہو گئے۔
سی او رام کشن وشنوئی نے بتایا کہ حادثہ جمعہ کی صبح تقریباً 6 بجے رائسر تھانہ علاقے میں پیش آیا۔ ابتدائی اطلاعات کے مطابق، کار تیز رفتار سے جا رہی تھی کہ اچانک اس کا ٹائر پھٹ گیا۔ اس کے نتیجے میں ڈرائیور گاڑی پر قابو نہیں رکھ سکا اور بے قابو کار سڑک سے اتر کر کھائی میں جا گری۔ اس حادثے میں چار نوجوانوں کی جان چلی گئی۔