TAASIR NEWS NETWORK- SYED M HASSAN –23 MAY
دھرم شالہ، 23 مئی: پولیس ضلع نورپور نے کان کنی مافیا پر شکنجہ کستے ہوئے پیر کی دیر رات دو جے سی بی سمیت 10 ٹریکٹر ضبط کر لیے ہیں۔ پولیس نے دیر رات لدھواں میں غیر قانونی کان کنی کرتے ہوئے ان گاڑیوں کو ضبط کیا۔
ایس پی نورپور اشوک رتنا نے کہا کہ پولیس کو اطلاع ملی کہ کچھ جے سی بی سمیت ٹریکٹر لودھواں کے قریب کان کنی کر رہے ہیں۔ پولیس نے ایک ٹیم تشکیل دے کر مذکورہ مقام پر پہنچ کر ان گاڑیوں کو قبضے میں لے لیا اور مائننگ ایکٹ کے تحت مقدمہ درج کرکے کارروائی کی۔ انہوں نے کہا کہ پولیس غیر قانونی کانکنی کے خلاف سختی سے کام کر رہی ہے۔
