تاثیر،۲۳ جنوری۲۰۲۴:- ایس -ایم- حسن
ممبئی، 23جنوری(ایم ملک)سلمان خان ہندوستانی سنیما کے بڑے سپر اسٹارز میں سے ایک ہیں۔ سلمان کے پاس باکس آفس کے ریکارڈز کی ایک لمبی فہرست ہے جس میں 100 کروڑ کلب میں مسلسل 17 فلمیں شامل ہیں اور ان کی گزشتہ سال دیوالی پر ریلیز ہونے والی ‘ٹائیگر 3’ کے ساتھ ہی وہ دنیا بھر کے باکس آفس پر 500 کروڑ کا ہندسہ عبور کر چکے ہیں۔بالی ووڈ کے سلطان سلمان خان کی دنیا بھر میں مداحوں کی بڑی تعداد ہے ۔ حال ہی میں سلمان نے سعودی عرب کے شہر ریاض میں منعقدہ باوقار ایوارڈز تقریب ‘جوائے ایوارڈز’ میں شرکت کی۔ویسے یہ دوسری بار ہے جب سلمان خان نے اس تقریب میں شرکت کی ہے ۔ اس سے قبل 2022 میں اداکار نے اس ایوارڈ تقریب میں شرکت کی تھی جہاں انہیں ‘پرسنالٹی آف دی ایئر’ سے نوازا گیا تھا۔سلمان کے دورہ ریاض نے ملک بھر میں ہلچل مچا دی اور ان کی عالمی مقبولیت کی تازہ ترین مثال اس وقت دیکھنے کو ملی جب ہالی ووڈ کے مشہور اداکار و ہدایت کار انتھونی ہاپکنز نے تقریب میں سپر اسٹار سے ملاقات کی۔اینتھونی ہاپکنز، جنہوں نے اگست (1996) اور سوریئل سلپ اسٹریم (2007) کی ہدایت کاری کی تھی، نے ملک کے سپر اسٹار سلمان خان سے ملاقات کا اپنا تجربہ شیئر کیا اور ان کی تعریف کی۔سلمان خان نے مصری اداکارہ اسعد یونس کو ‘لائف ٹائم اچیومنٹ ایوارڈ’ پیش کیا اور سپر اسٹار کو ایوارڈز کی تقریب میں اپنے دلکشی اور سویگ کا مظاہرہ کرتے ہوئے دیکھا گیا۔دریں اثنا، کام کے محاذ پر، سلمان خان کرن جوہر کی دھرما پروڈکشن کی ‘دی بل’ میں نظر آئیں گے جس کی ہدایت کاری وشنو وردھن نے کی ہے ۔