تاثیر،۱۴ اپریل ۲۰۲۴:- ایس -ایم- حسن
نرمداپورم، 14 اپریل : وزیر اعظم نریندر مودی نے مدھیہ پردیش کے ہوشنگ ا?باد میں ایک انتخابی ریلی سے خطاب کیا۔ گزشتہ 10 سالوں میں بی جے پی حکومت کے ذریعہ کئے گئے عوامی فلاحی کاموں اور اسکیموں پر روشنی ڈالتے ہوئے انہوں نے کانگریس پر جم کر نشانہ سادھا۔ انہوں نے کہا کہ کانگریس نے بابا صاحب امبیڈکر کی خدمات کی توہین کی، لیکن بی جے پی نے ڈاکٹر بھیم راو امبیڈکر کو عزت دی اور ان کی خدمات کو ایک نئی شناخت دی۔
وزیر اعظم نے بارش جیسے نامساعد حالات میں بھی دور دراز علاقوں سے جلسہ عام میں ا?نے کے لیے ریاست کے عوام اور بی جے پی کارکنوں کا شکریہ ادا کیا۔ انہوں نے کہا کہ مدھیہ پردیش سے اٹھنے والی لہر پورے ملک میں پھیل چکی ہے۔ ا?ج ایک بار پھر پورا ملک مودی سرکار کے نعروں سے گونج رہا ہے۔ ا?ج ا?ئین ساز ڈاکٹر امبیڈکر کا یوم پیدائش ہے اور ان کی جائے پیدائش مہو یہاں سے زیادہ دور نہیں ہے۔ مہو میں بابا صاحب کے گھر سے لے کر ملک اور بیرون ملک جہاں بھی رہے، بی جے پی حکومت ان جگہوں کو پنچ تیرتھ کے طور پر قائم کر رہی ہے۔ وزیر اعظم مودی نے کہا کہ ہمیں انہیں وہ عزت دینے کا شرف حاصل ہوا ہے جو کانگریس پارٹی نے انہیں کبھی نہیں دیا۔ کانگریس جیسی پارٹیوں نے ہمیشہ بابا صاحب کی توہین کا کام کیا ہے۔ بابا صاحب کے بنائے ہوئے ا?ئین کی وجہ سے ا?ج ایک غریب ماں کا بیٹا مودی تیسری بار ا?پ کی خدمت کا موقع مانگ رہا ہے۔ وزیر اعظم مودی نے کہا کہ اب کانگریس کا شاہی خاندان دھمکی دے رہا ہے کہ اگر مودی تیسری بار وزیر اعظم بنے تو ملک میں ا?گ لگ جائے گی۔ بس ملک کو ڈراو، گھبراو، ا?گ پھیلاو۔ ا?ج ملک میں ا?گ نہیں لگی۔ یہ حسد اس کے دل و دماغ میں اس قدر بھری پڑی ہے کہ انہیں اندر سے جلا رہا ہے۔
وزیر اعظم نے کہا کہ بی جے پی کے سنکلپ پتر کے جاری ہونے کے بعد انڈی اتحاد کی حالت خراب ہے۔ انڈی اتحاد کے قائدین یہ سمجھنے سے قاصر ہیں کہ منشور ملک کے عوام کے تئیں ایک ذمہ داری ہے، اس اتحاد کے تمام شراکت دار ا?پس میں لڑ رہے ہیں اور ملک کی سمت طے کرنے کے قابل نہیں ہیں۔ ان کے وعدوں میں کوئی وضاحت نہیں ہے۔ انڈی اتحاد کا منشور بہت سے خطرناک وعدوں پر مشتمل ہے۔ ایک پارٹنر کے منشور میں ایسے وعدے کیے گئے ہیں جو ملک کو معاشی طور پر دیوالیہ کر دیں گے اور دوسرے پارٹنر کے منشور میں بھارت سے جوہری ہتھیار ختم کرنے کا وعدہ کیا گیا ہے۔ ملک کی سلامتی کے لیے ایٹمی ہتھیار ضروری ہیں لیکن یہ لوگ ایٹمی ہتھیار تباہ کر کے کس کی مدد کی بات کر رہے ہیں؟ اپوزیشن اتحاد کے رہنماوں کی سوچ جتنی خطرناک ہے، ان کا منشور بھی اتنا ہی خطرناک ہے۔ بی جے پی کا سنکلپ پتر مودی کی ضمانت کے طور پر عوام کے لیے وقف ہے۔